- Bo-aan albei die bladsye (blokkies papier en skoon papier), identifiseer die vertrek met verwysing na die doel of funksie van die vertrek. (bv. eet-, slaapkamer ens.)
Vir die meeste mense is dit ‘n groot uitdaging om elemente saam te bring sodat die ruimte funksioneel en esteties is. Om ‘n vertrek reg op te meet, kan uitdagend en oorweldigend voel; daarom weet die meeste mense nie waar om te begin nie. In ontwerp speel beplanning van die begin af ‘n groot rol. Dit beïnvloed die kwaliteit van die eindproduk.
Ons breek die proses in fases op om die proses vir jou makliker te maak.
Onthou om die vertrek skoon en netjies te maak sodat meeste elemente duidelik sigbaar kan wees.
Kamera se “flash” asook al die ligte van die vertrek moet af wees. Maak alle gordyne of blinders oop sodat daar lig van buite kan inkom.
Verkeerde beligting kan ongewensde skaduwees maak. Die beste binnenshuise foto’s word geneem as dit bewolk is omdat die lig van buite dan konstant is.
Hou vertikale lyne van ‘n vertrek vertikaal en horisontale lyne horisontaal. Ons brein weet ‘n deur is ‘n vertikale lyn, maar die kamera se lens weet dit nie. Daarom moet die horisontale elemente, soos bv. tafel, plafon, vloer ens horisonaal reguit wees. En dieselfde geld vir vertikale elemente in ‘n vertrek.
Hou jou kamera deurgaans op dieselfde hoogte bv. Hou bors- of ooghoogte met die neem van alle foto’s. Dit skep ‘n meer gebalanseerde oorsig van die vertrek wat verseker ons verstaan die vertrek reg. Probeer om die plafon sowel as die vloer in die foto’s te kry.
Moet nie die muur met ‘n hoek afneem nie, neem eerder die foto reg van voor af. Neem laastens ook ‘n foto van die hele vertrek. Die foto kan met ‘n hoek geneem word.
Hoe om die vertrek opmetings te neem:
Die lengte (L), die breedte (B) en die hoogte (H) opmetings van die vertrek is baie belangrik. Dit skep die ruimte waarin die meubels geplaas word; dit bepaal die lugsirkulasie binne die vertrek en dit bepaal ook die hoeveel ruimte daar vir beweging is.
Ons stel voor iemand help jou met die opmetings. Jy het een vloerplan nodig vir elke vertrek wat oorgedoen moet word. Alle mates moet mm wees en moet akkuraat wees. Om die werk te vergemaklik gee asseblief soveel inligting as moontlik.
*Let wel dat een blokkie 10mm op blokkies papier gelyk is aan 500mm in die regte lewe. Dus werk jy met die skaal 1:50. (1mm: 50mm)
Verskaf alle mates op jou plan soos in Skets 2.
5. Teken dan die sye van die vertrek volgens skaal op die skoon blokkiespapier oor. Dit is jou plan van die vertrek wat jy vir ons gaan instuur.
6. Teken alle venster- en deuropeninge, volgens skaal, oor op jou plan (sien Skets 3).
Hoe om die doel en funksie van die vertrek te beplan:
‘n Vertrek is ‘n leefruimte. Wat jy in die vertrek gaan doen, bepaal die funksie en ‘n doel van die vertrek, bv. Slaapkamer: ons slaap daar, maar ons lees ook in die ruimte en drink ‘n glas wyn in stilte. Hoeveel mense die ruimte gaan gebruik is ook van belang.
Ons wil elke vertrek ontwerp om aan jou spesifieke behoeftes te voldoen. Dit moet jou eie unieke ruimte wees waarin tuis gaan voel.
Skryf die doel en funksie van die vertrek wat beplan word neer asook hoeveel mense die vertrek gaan gebruik. Dink na oor wat in die vertrek gaan plaasvind en watter benodigdhede geakkommodeer moet word, bv. beligting, meubels, dekor-elemente ens.
Nadat jy besluit het wat in die vertrek gaan plaasvind, is dit maklik om items by te voeg of weg te neem.
Watter dekor elemente kan jy bysit om die vertrek esteties en funksioneel te maak? Soos byvoorbeeld ‘n skinkbord op die koffietafel waarin elemente soos ‘n afstandbeheerder vir die TV, boeke, ens. netjies gebêre kan word. Mooi strooikussings op die banke wat TV-kyk gemakliker maak of ‘n mooi kombers vir die aande.
‘n Vertrek is ‘n leefruimte. Wat jy in die vertrek gaan doen, bepaal die funksie en ‘n doel van die vertrek, bv. Slaapkamer: ons slaap daar, maar ons lees ook in die ruimte en drink ‘n glas wyn in stilte. Hoeveel mense die ruimte gaan gebruik is ook van belang.